2015年10月27日 星期二

家居實況劇 ~ 請工人的樂與怒(下集) 附合約屆滿或終止合約收據(表格)


家居實況劇 ~ 請工人的樂與怒(上集) 還未看上集的朋友,請先收看 https://kellyandruby-mami.blogspot.com/2015/08/blog-post17.html

家居實況劇 ~ 請工人的樂與怒(下集)附合約屆滿或終止合約收據(表格)
http://kellyandruby-mami.blogspot.com/2015/10/blog-post_6.html
相隔兩個多月後,請工人的樂與怒(下集)終於寫好了~ 何解要兩個多月後先寫好? hee hee~只因寫「上集」期間,剛解僱了工人姐姐,心中團火都燒得幾熾熱,所以九秒九寫咗「上集」,然後團火降溫了,要重新的起心肝寫咪慢過隻龜囉~ 哈哈哈~ 
為何解僱工人姐姐? 原本我想捱到完約架,不過..掙扎咗一段時間後,終於補咗兩個月薪金、機票同大假比佢,仲車埋佢番agent~ 其實可以一個月通知,唔駛補錢比佢走的,不過因了解而分開,我想好來好去吧~ 
上集有講到,姐姐於洗熨方面係無敵的,呢個係我最滿意嘅地方~
http://kellyandruby-mami.blogspot.com/2015/10/blog-post28.html
而家居清潔方面,佢都會自動自覺的,但就孔武有力,擦得非常乾淨,連原本嘅油漆同地板都擦甩埋咁囉~ Wakakakaaaaaa

可憐的Dyson吸塵機,新機落地幾個月就遇上工人姐姐,從此佢嘅命運就改寫了.......變了花面貓,hahaha~ 不過都要讚讚Dyson吸塵機,因為成日聽到人話工人姐姐係吸塵機剋星,三兩吓手勢就會整壞機,雖然呢部Dyson變了花面貓,但性能依然良好啊~ 
(P.S:大家見到部機咁花,可以想像得到我D傢俬幾咁......傷~ 淚奔~~~~~~ ) hahahaha~


工人姐姐嘅破壞力不止於此,但不詳加敍述了~ 錢財身外物,整壞可以再買/維修,但佢太冇記性同思路有少少特別,令我好擔心呢,我們這一家差不多一半時間係飲生水的,因為姐姐成日唔記得按即熱式水壼個掣,就算我貼咗牛咁大張螢光紙响手柄,佢都視若無睹,成日要我摸個壼是否暖身呢,呵呵呵~
而鐵閘同大門長時間玩"空城計"=冇上鎖,又係嗰句:Oh~ I'm sorry, I forgot @.@"
諗住請個姐姐幫輕吓D家務,點知佢冇記性,成日攪到我心戚戚,一日到黑要check佢有冇鎖門,有冇熄火,有冇按掣煲水......
本應諗住姐姐幫手照顧兩位小姐,唉..結果都係放心不下,而Kelly & Ruby話想多D私人空間,話唔需要工人姐姐,最後咪同姐姐say goodbye囉~
Agent比咗張form過我,列明工人姐姐離職時僱主須支付的項目,跟住簽妥作實~ 假若大家啱用可以download嚟用~ (緊記僱主及僱員簽名要跟番簽約時的式樣) (P.S.:剛發現不能於網誌直接download,假若需要這張表格,請在我的Fans Page pm email address給我,我會send 給你的)

之前有講過,Agent會要求你做一D看似簡單,但你又唔多願嘅事,就係提早解僱工人姐姐時,Agent會叫你同人民入境事務處申報,因僱主經濟出現問題,所以不能夠繼續請工人,咁工人姐姐就可以唔駛離港,可以更快做下一份工,初時我都心軟想依佢所講咁做,及後有感我都補到足比佢,唔想講大話,所以冇咁做啊~
冇咗工人姐姐後,唯一唔慣係要洗番碗,每當晚飯後,我會先洗鑊、洗煲、抹廚房,然後洗碗碗碟碟,所以每次會用上成粒鐘先攪得掂,哈~! 結果,佢出現了→『洗碗碟機』
而家開party都唔水驚了~ 有兩層,多多都攪得掂~ Yeah~!
hee hee~不過就辛苦呀大老爺幫我安裝部機,佢要接駁新嘅來水位同去水位,都攪咗佢一大餐啊~ Thank you for your cooperation大老爺~ 哈哈哈~
我的身痕痕請工人結論是~ 精神過盛,搵嚟煩,智能家電,唔駛煩~ Wakakakaaaaaa~
http://i94.photobucket.com/albums/l109/kellyruby/GIF/line/Rose-052.gif
(我已關閉網誌留言欄,歡迎大家到我的專頁內留言~^0^~)
(我在Facebook開了專頁,方便大家留言,歡迎大家加入閒
話家常啊~)

何師奶 ~《全職"煮"婦生活逸事 烹飪分享》
 
我的微博,請多多關照(注) Haha~http://i206.photobucket.com/albums/bb40/ForYahooBlog/GIF/yausiumi/20090321_0643bd1d76bb3bccba23c4C4pz.gif
 
Related Posts Plugin for WordPress, Blogger...