蛋片~ 簡易製作方法(適用於腿蛋包/餐蛋包)~^^~

Share

蛋片~ 簡易製作方法(適用於腿蛋包/餐蛋包)~^^~

今日介紹嘅係簡易蛋片製作方法~ 什麼是蛋片?? 哈哈~之咪係《火腿蛋包/餐蛋包》裡面嗰片蛋囉~ ^0^每當我食《火腿蛋包/餐蛋包》時，都會好奇佢塊厚蛋係點製作，又唔似煎，又唔似蒸，哈哈哈~原來係焗~!


昨晚手痕痕搓咗個低溫發酵麵糰，今日見得閒(因為令
我極度沉迷的Candy Crush，已經打到手機版家鄉215
了，開始有番少少時間搓吓麵包了~)，所以製作咗火腿
蛋餐包啊~ 我仲同佢玩做型添~ 之但係，一見到個麵包，
我就忍唔住笑了~ 點解變曬型嘅?? Wakakakaaaaaa~

變型金剛麵包下一篇先寫食譜，因為影埋造型步驟照片，
要用多少少時間先可以上載ｄ相片上嚟，所以睇住呢個
蛋片製作方法先啦~!

用焗盤焗蛋片，可以減少損耗，焗完塊蛋片可以似似正
正，假若用煎pan煎蛋片，就需要切走圓邊，而家齊輯輯，
方便易用啊~

仲記得第一次焗蛋片，因火力過大，蛋片差ｄ變蛋糕，
第二次減咗火力，先叫做ok咋~ 上圖成品我係用另一
個不黏模焗，內籠呎吋為7吋半x3吋半，用咗兩隻蛋，
加咗半茶匙砂糖同半茶匙油打勻，放入已預熱達100度
的焗爐內，焗8分鐘，焗好不要立即取出，待十分鐘後
才取出．

同蒸糕一樣，要完全放涼才易於完整脫模，上圖嘅蛋片，
係咪同平時嘅火腿蛋包/餐肉包嘅蛋片，有九成似呢~?
嘿嘿嘿~
哈~!下一篇出變型金剛麵包~ Wakakakaaaaaa~ See U~

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~