2013年11月14日 星期四

令人回味的~《自家製港式菠蘿包》(附食譜)

令人回味的~《自家製港式菠蘿包》(附食譜) 
http://kellyandruby-mami.blogspot.com/2013/11/blog-post_14.html
早前於Facebook Page收到網友私訊,查詢菠蘿包食譜,所以今日就call番個食譜出來啦http://i94.photobucket.com/albums/l109/kellyruby/GIF/rabbit/4a46b55de96b7edbedf2a.gif
菠蘿包是否成功,係取決於塊菠蘿皮掂唔掂,多謝靚太Darling分享菠蘿皮食譜,我先可以做到呢個《自家製港式菠蘿包》啊http://i94.photobucket.com/albums/l109/kellyruby/GIF/rabbit/4a46b55deb396466d8a75.gif~






哈~為咗可以影到麵包組織同菠蘿皮,所以將個包中間切開呢,平時放牛油應該係橫切啊~(其實直切真係好有難度,之前切嗰個..一切個面就碎開,要好輕力慢慢切先成功呢~ 哈~為咗影張相,犧牲咗之前個包添~http://i94.photobucket.com/albums/l109/kellyruby/GIF/rabbit/tuzki2012.gif)
《自家製港式菠蘿包食譜》
食譜份量可製作6個包包~ 
材料: 
1.高筋粉 130克 
2.鹽 1克 
3.砂糖 15克 
4.蛋 10克 
5.酵母 2克 
6.溫水 65克 
7.無鹽牛油 12克 

菠蘿包外皮材料: 
份量大約可做25個 (因份量太少好難計算到食用臭粉、梳打粉及泡打粉份量,所以多出來的菠蘿皮,可置於冷藏格,Darling話最好一個月內用曬佢啊~) 特別嗚謝Darling提供菠蘿皮食譜
食用臭粉、梳打粉、泡打粉各1/3茶匙 
砂糖 100克 
低筋麵粉 180克 
固體菜油 50克 
牛油 50克 
蛋液 12克 
奶粉 8克 
鮮奶/水 12克 (Remarks:食用臭粉於烘焙店有售,緊記佢"唔係"平時用嚟清潔嗰種呀*0*"
菠蘿包外皮做法: 
1.全部材料混合成一糰 
2.分割每份15克搓圓,用保鮮袋袋好,放回雪柜普通格冷藏約15分鐘待用. 
做法: 
1.將酵母溶於溫水中拌勻,備用. 
2.將 1-4 及酵母水混合成麵糰,然後加入牛油,搓至光滑,將麵糰撻至起薄膜狀,將麵糰搓圓後,置於預先鋪上保鮮紙的器皿中,然後表面蓋上一層保鮮紙,置於溫暖處發酵約45分鐘. 
3.待麵糰脹大約兩倍後,取出輕壓放氣,並分割成6等份,把小麵糰滾圓後,置於保鮮紙上,表面蓋上另一層保鮮紙,靜置15分鐘.  
4.將小麵糰取出壓平排氣,造型後作第2次發酵(表面蓋上保鮮紙),置於溫暖處發酵約45分鐘至兩倍大,將菠蘿皮平均置於麵糰上,然後掃上蛋液,預熱爐溫至180度後,入爐焗約15分鐘至表面金黃便成。 
【小貼士】
1.冬天發酵麵包須時較長,以上食譜的麵包發酵時間,是以一般室溫為26-30度來計算. 
2."食用"臭粉,於烘焙店有售,佢嘅正名係碳酸氫氨Ammonia(NH4HCO3)俗稱:食用臭粉(不是臭粉、臭粉有毒不可食用),一般食用臭粉,多數要嚟製作光酥餅、西醮大餅、合桃酥、菠蘿飽、油炸鬼等等食品,Ammonia 碳酸氫銨(NH4HCO3(食用臭粉)係遇熱時有膨脹作用使產品脹大;有吸濕性及易溶於水。這種膨脹劑,產生氨的溫度不同,碳酸氫銨分解的溫度約50度左右,可根據烘焙產品的種類和性質選用,氨一般用在含水分少的麵食,如餅乾、油炸類麵食、泡芙等,能令製品起蜂巢狀小孔~ 
【至於安全性】 碳酸氫氨做為食品添加劑時都有高溫處理,大家知道它的 化學性質不穩定,易分解為氨氣,二氧化碳和水,而氨氣又具有揮發性,剩下兩種水和二氧化碳無毒,盡可放心食用^^
【小貼士】 
1.不同牌子的麵粉受水程度有異,水份會因應情況而有所增減. 2.冬天發酵麵包須時較長,以上食譜的麵包發酵時間,是以一般室溫為26-30度來計算. 
3.不同牌子的焗爐,爐溫各有差異,如發覺成品較乾及深色,可自行更改烤焗時間及溫度. 
4.搓揉麵糰方法,可參考日清網站,我嘅搓揉麵糰方法,大致上同佢差不多呢~ 哈哈哈~唔好叫我玩自拍,因為成手糊好難攪,日清網站幫到你,好~!而家去片 →請點擊→ 這裡
Loading短片等候須時約兩分鐘,請耐心等候】

我的食譜書《自家製手作麵包》,於各大書局有售~
http://i206.photobucket.com/albums/bb40/ForYahooBlog/GIF/AGif01/Line/df6d11737e26.gif
(我已關閉網誌留言欄,歡迎大家到我的專頁內留言~^0^~)
(我在Facebook開了專頁,方便大家留言,歡迎
大家加入閒話家常啊~)
何師奶 ~《全職"煮"婦生活逸事 烹飪分享》

我的微博,請多多關照(注) Haha~http://i206.photobucket.com/albums/bb40/ForYahooBlog/GIF/yausiumi/20090321_0643bd1d76bb3bccba23c4C4pz.gif


Related Posts Plugin for WordPress, Blogger...