2012年4月16日 星期一

Dulux"多樂士"~ 美化家居好幫手

Dulux"多樂士"~ 美化家居好幫手 

屋企自從換咗新冷氣之後,個廳就變得唔順眼了~ 因為舊嗰部老爺冷氣較大,當換上新一部分體冷氣後,張牆紙無情情多咗個框~係爛框至啱啊~
http://kellyandruby-mami.blogspot.com/2014/09/dulux.html
我同大老爺行咗好多間牆紙舖,都搵唔到用緊嗰款牆紙~店主話d牆紙已轉款,冇我哋用開嗰款啊~ 吓~唔係化,難道要我哋換曬全屋牆紙乎??

搵咗好耐都搵唔到同款牆紙,所以打曬鑼周圍叫朋友幫手,睇吓有冇計呢~ 哈~!原來打鑼係work架噃~ 搭上搭咁,朋友就介紹咗Dulux"多樂士"牆畫比我認識,佢哋仲叫我上Dulux陳列室了解牆畫究竟係乜東東啊~ 
http://kellyandruby-mami.blogspot.com/2014/09/dulux.html

哈哈哈~去到佢哋陳列室,第一眼比長頸鹿牆畫吸引咗,即刻諗見如果Kelly & Ruby間房做牆畫,佢哋一定會好開心嘅啫,噢~ 差d唔記得我係想攪掂個廳嘅爛框添~

跟住我同多樂士職員們遊花園,係呀,花園呀~ 大家睇吓個薰衣草園係咪好有立體感呢~ um....我覺得前面坐响樹嗰位呀嬋如果彈開,我諗張相會養眼d啊+.+ 哎吔~點解我好似肥咗咁嘅~ 錯覺錯覺,我諗一定係我嘅錯覺(自我催眠中~)Wakakakaaaaaa~

遊完花園跟住行咗去樹林~ 

原來Dulux嘅牆畫好多元化,除咗佢哋指定嘅風景/圖案/圖畫外,仲可以自己比圖佢做呢~ 咁間屋咪可以更有個人風格囉~ 

佢哋仲有模擬圖示範成品效果,我比咗屋企相片佢,佢哋响我揀咗牆畫後,就send咗幅模擬圖去我E-mail樹呢~ 

哈哈哈~揀揀吓廳幅牆畫,跟住又忍唔住揀埋Kelly&Ruby間房嘅牆畫啊~ 因為覺得佢哋間房嘅牆紙款式都幾老積,如果轉咗牆畫+油漆crossover,應該會更有趣味啊~ 下圖係Kelly&Ruby間房嘅原本樣貌~ 

揀好牆畫及油漆後,Dulux就派師傅嚟度呎,其實當時我個心都仲十五十六,諗見住緊嚟裝修都幾頭痕~ 後尾師傅話一般工程只須時五個工作天,如果進度良好,仲可以更快呢~ 估唔到四天就完工喇~ 

Yeah~!! 唔駛再對住冷氣機個爛框了,即刻靚仔曬呢~ 我係揀咗佢哋嘅圖案後再改色,咁就可以做到貼近我用開嗰款牆紙顏色啊~ Good~! 

Kelly&Ruby房間,就變得好有趣味呢~ 其中一面牆身選用牆畫,另外三面牆身,就髹上油漆,而顏色就按多樂士嘅建議,用咗牆畫主色綠色,不過係一隻較淡嘅綠色30GY83/086,襯到幅牆畫之餘,又唔會搶咗個 focus,由於一路裝修,一路喺間屋度住,所以就選用環保漆油,因為佢冇油味,冇甲醛,健康好多呢~ 



Kelly&Ruby見到變身後嘅房間,當然開心到we哇鬼叫呢~ 哈哈哈~佢哋仲不停扮爬樹屋添~ 哈~!同佢哋影張正經d嘅相,真係難過登天咁滯,呢張相已經係最正常了~Haha

我覺得油漆加牆畫crossover,係一個既新穎又別緻嘅配搭,更可為家居增添獨特色彩啊~ 有關多樂士油漆及牆畫資料,可點擊以下連結→ 
多樂士家易塗一站髹油服務: 
http://www.dulux.com.hk/chi/decoration/easypaintservice.jsp 
多樂士牆畫: 
http://dulux.com.hk/chi/product/wallpaper.jsp 
 
(我已關閉網誌留言欄,歡迎大家到我的專頁內留言~^0^~)
(我在Facebook開了專頁,方便大家留言,歡迎大家加入閒
話家常啊~)

何師奶 ~《全職"煮"婦生活逸事 烹飪分享》

我的微博,請多多關照(注) Haha~http://i206.photobucket.com/albums/bb40/ForYahooBlog/GIF/yausiumi/20090321_0643bd1d76bb3bccba23c4C4pz.gif

Related Posts Plugin for WordPress, Blogger...